Liber Paralipomenon Primus*
Caput 29: Versus 22
Et comederunt et biberunt coram,etc.[RAB.]Hoc est gaudium sanctorum et intentio eorum, ut a fame futura, virtutum operibus sibi caveant, et epulentur, et exsultent in conspectu Dei.Unxerunt secundo Salomonem filium,etc. Quia Christus regia simul et pontificali dignitate ab omnibus fidelibus sana fide, pia confessione celebratur. Salomon pacificus, Sadoc justus interpretatur. Christus vero est pax nostra, qui fecit utraque unum, ipse est justus Dominus et justitiam diligit:Judex vivorum et mortuorum[Ephes. 2.], hunc primo ungit omnis fidelis in regem et sacerdotem, cum in professione baptismi, verum regem et sacerdotem confitetur. Ungit et secundo cum docendo et operando idem aliis praedicat, unde:Oleum effusum nomen tuum[Cant. 1.].